Bubbi Mortens heiðraður á níunda starfsári Tónleikafélags Austurlands
Tónleikafélag Austurlands stendur nú á sínu níunda starfsári. Félagið var stofnað árið 2017 með það að markmiði að efla tónleikahald á Austurlandi og láta tónlistina um leið styðja við mikilvægt samfélagslegt málefni.
Á hverju ári hefur félagið safnað saman tónlistarfólki af Austurlandi og víðar til tónleikahalds þar sem áhersla er lögð á samstöðu, sköpun og geðheilbrigðismál. Ágóði verkefnanna hefur runnið til góðra málefna, meðal annars til stuðnings geðheilbrigðisþjónustu og starfsemi Píeta á Austurlandi.
Í ár verður sjónum beint að einum áhrifamesta tónlistarmanni Íslands, Bubba Morthens. Fjölbreyttur hópur flytjenda kemur fram og flytur lög Bubba frá löngum og viðburðaríkum ferli hans. Tónleikarnir verða haldnir í Hátíðarsalnum Alþýðuskólanum á Eiðum þann 12. september. Húsið opnar klukkan 19:00 og tónleikarnir hefjast klukkan 20:00
Við hlökkum til að fagna níunda starfsári félagsins með tónlist Bubba og halda áfram því verkefni að sameina tónlistarlíf Austurlands og stuðning við mikilvæg málefni.
Miðar eru komnir í sölu í vefverslun Tónleikafélags Austurlands.
[Kaupa miða í vefverslun] https://tfa.is/product/bubbi-morthens-heidurstonleikar/
geðveikt félag.
Tónleikafélag Austurlands var stofnað 2017 til að berjast fyrir bættum geðheilbrigðismálum á Austurlandi og efla tónleikahald. Félagið stendur árlega fyrir glæsilegum tónleikum þar sem ungir Austfirðingar eru í forgrunni. Allur ágóði hefur alltaf runnið í geðheilbrigðismál á Austurlandi.